काठमाडौँ । आइसिसी विश्वकप लिग–२ त्रिकोणात्मक सिरिजमा पपुवा न्युगिनी ले ७ विकेट गुमाएको छ । दुबई इन्टरनेशल क्रिकेट स्टेडियममा भईरहेको खेलमा दिपेन्द्र सिङले नेपालको लागि सातांै विकेट लिएका हुन् ।
६३ बलमा ३१ रन बनाएका पिएनजीका हिरी हिरीलाई दिपेन्द्रको बलमा कुशल मल्लले क्याट आउट गरेका हुन् । यस अघि नेपाललाई छैठौ र पाचौ सफलता पनि दिपेन्द्रले नै दिलाएका थिए । उनको बलमा चाद सोपर रन आउट भएका थिए । गाउडि टोकालाई पनि उनैले आउट गराएका थिए ।
कुशल मल्लले नेपाललाई चौथो विकेट दिलाएका थिए । १९ बलमा ११ रन बनाएका आसाद भाला कुशलको बलबाट एलबिडब्ल्यू आउट भएका थिए ।
नेपालको लागि तेस्रो सफलता सोम्पाल कामिले दिलाएका थिए । उनले टोनि उरालाई ३९ रनमा आउट गराए । त्यसैगरी, पपुवा न्युगिनीका सेसे बाउ कुशलको बलमा ११ रन बनाएर आसीफ शेखको डाईरेक्ट हिटमा रन आउट हुदा नेपाललाई दोस्रो सफलता मिलेको थियो ।
स्पिनर सन्दीप लामिछानेले नेपाललाई पहिलो सफलता दिलाएका थिए । उनले पपुवा न्युगिनीका ओपनर किप्लीन डोरीगालाई एलबिडब्ल्यू आउट गराएका थिए । डोरीगा ४३ बलमा २६ रन बनाएर आउट भएका थिए ।
यो समाचार तयार पार्दासम्म पपुवा न्युगिनीले ४५ ओभरमा ७ विकेटको क्षतिमा १५५ रन बनाएको छ ।
