• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री ★   लोकमार्ग छेउछाउमा बढ्दै बस्ती ★   राष्ट्रिय सभाका उपाध्यक्ष उर्मिला अर्यालबाट राजीनामा ★   स्वास्थ्य क्षेत्रको सुधार गर्न भन्दै रास्वपाले स्वास्थ्यमन्त्री यादवलाई बुझायो २६ बुँदे सुझाव ★   महिलामैत्री बजेट ल्याउन सम्बन्धित मन्त्रालयसँग छलफल जारी छ: मन्त्री चौधरी ★   कोभिड निगरानीका लागि विश्व स्वास्थ्य संगठनद्वारा विश्वव्यापी सञ्जाल सुरु ★   वीरगञ्ज भन्सारद्वारा आठ महिनामा एक अर्ब राजस्व सङ्कलन ★   सौराहाको रोजगारी र आयको मुख्य स्रोत पर्यापर्यटन ★   पहिलो दिनको एसइई परीक्षा शान्तिपूर्ण रूपमा सम्पन्न

राज्यका निकाय गैरजिम्मेवार हुनु जनतामाथिको अपराध हो: तोषिमा कार्की



काठमाडौँ । राष्ट्रिय स्वतन्त्र पार्टी (रास्वपा) की सांसद तोषिमा कार्कीले सडक आयोजनाहरु निर्माणमा रहेको बेतिथि अन्त्य गर्न आग्रह गर्नुभएको छ ।

शुक्रवार प्रतिनिधि सभाको शुन्य समयमा बोल्दै सांसद कार्कीले सडक विभाग काठमाडौं उपत्यका खानेपानी लिमिटेड लगायत सरकारी निकायहरुले नै काम गर्न नसक्नु कसको स्वार्थ हो भन्दै प्रश्न गर्नुभयो ।

उहाँले काठमाडौं उपत्यकामा निर्माणाधिन सडक आयोजनाहरुको काम समयमै सम्पन्न गर्न उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठलाई ध्यानाकर्षण गराउनु भयो । सांसद कार्कीले नेपाल सरकारको संघीय मन्त्रिपरिषद्को प्रश्तावित आवास क्षेत्र र निजी क्षेत्रको सबैभन्दा ठूलो अस्पताल जाने नख्खु भैंसेपाटी सडकको निर्माण कहिले टुंगो लाग्छ भन्दै प्रश्न गर्नुभयो । उहाँले टुँडीखेल फर्सीडोल सडक ६ वर्षदेखि अलपत्र रहेको, सातदोबाटो चापागाउँ कान्तिपथ मुआब्जाको कारण रोकिनु ठूला ठेकेदारको मिलोमतो र दबाव के हो भन्दै सरकारसँग जवाफ माग गर्नुभयो ।

उहाँले भन्नुभयो,‘काठमाडौं उपत्यकाको ललितपुर जिल्ला हेपिएर राज्यको ध्यान नपुगेको भान हुन्छ । पानी परे हिलो घाम लागे धुलो । पानी हाले चिप्लिएर लड्ने नहाले दम खोकीले मार्ने । मेरो क्षेत्रको हविगत । मन्त्रीपरिषद्को पस्तावित मन्त्रीहरुको आवास क्षेत्र र प्रश्तावित ठूलो अस्पताल जाने नख्खु भैंसेपाटी सडकको निर्माण कहिले टुङ्गो लाग्छ । चुनीखेल फर्सिडोल सडक ६ वर्षदेखि अलपत्र छ । सातदोबाटो कान्तिराजपत मुआब्जाको कारण रोकिएको छ ।’

‘सडक विभाग काठमाडौं उपत्यका र खानेपानी लिमिटेडले काम गर्न नसक्नु कसको स्वार्थ हो । ठूला ठेकेदारको मिलेमतो र दबाब हो । राज्यका निकायहरु गैरजिम्मेवार हुनु कमजोरी मात्रै होइन । आम जनता माथि गरिने अपराध हो । बिना कुनै कसुर मेरो क्षेत्रका बासिन्दाले वायुप्रदुषणबाट उत्पन्न हुने रोग र सडक दुर्घटनाबाट ग्रसित छन् । म भौतिकपूर्वाधार तथा यातायात मन्त्रीज्युलाई ध्यानाकर्षण गराउन चाहन्छु । सडक निर्माणमा हुने ढिलासुस्ति र बेथिती अविलम्व समाधान गरियोस् ।’

उहाँले राज्यका निकाय गैरजिम्मेवार हुनु कमजोरी मात्र नभइ आम जनतामाथिको अपराध भएको उल्लेख गर्नुभयो । उहाँले भौतिक पूर्वाधार मन्त्रीले सार्वजनिक निर्माणको काममा हुने ढिलासुस्ती र बेतिथि अविलम्व समाधान गर्न माग गर्नुभयो ।