काठमाडौं । आठौं संस्करणको महिला टी–ट्वान्टी विश्वकप क्रिकेटको दोस्रो सेमिफाइनल खेल आज शुक्रबार हुदैछ ।
दोस्रो सेमिफाइनलमा आयोजक दक्षिण अफ्रिका र इंग्ल्याण्डबीचमा खेल हुदैछ । खेल नेपाली समयअनुसार साँझ ६:४५ बाट सुरु हुनेछ ।
समूह ‘बी’को शीर्ष स्थानमा रहेको इंग्ल्याण्ड चार संस्करणको फाइनलमा पुग्दा समूह ‘ए’ को उपविजेता दक्षिण अफ्रिका हालसम्म फाइनल पुग्न सकेको छैन ।
एक आपसविरुद्ध भएको पाँच खेलमा इंग्ल्याण्डले चार खेल जितेको छ भने दक्षिण अफ्रिकाले एक जित हात पारेको छ ।
आजको विजेताले फाइनलमा अष्ट्रेलियासँग खेल्नेछ । बिहिबार भएको पहिलो सेमिफाइनलमा अष्ट्रेलिया भारतलाई हराएर फाइनलमा पुगेको थियो ।
