काठमाडौँ । नेपाली कांग्रेसका सभापति शेरबहादुर देउवा प्रधानमन्त्री पुष्पकमल दाहाल प्रचण्डलाई भेट्न बालुवाटार पुग्नुभएको छ ।
२५ फागुनमा हुने राष्ट्रपति निर्वाचनका लागि १३ फागुनमा मनोनयन दर्ता हुँदैछ । दलहरु त्यसअघि नै सहमति गर्ने गरी छलफलको दौडधुपमा लागिरहेको बेला सभापति देउवा बालुवाटार पुग्नुभएको हो । त्यसअघि उहाँले बालुवाटार जानुअघि आफ्नै निवासमा नेकपा एकीकृत समाजवादीका अध्यक्ष माधवकुमार नेपालसहितका नेताहरुसँग भेट गर्नुभएको थियो ।
राष्ट्रपति निर्वाचनमा आफूले उठाउने उम्मेदवारका लागि सहमति जुटाउन कांग्रेसले कसरत गरिरहेको छ ।
