काठमाडौं । निर्वाचन आयोगले निर्वाचन कार्यतालिका सार्वजनिक गरेको छ । आयोगले सोमबार प्रेस विज्ञप्तिमार्फत् कार्यतालिका सार्वजनिक गरेको हो ।
कार्यतालिकामा असार ३१ देखि साउन १५ सम्म राजनीतिक दल दर्ताको कार्यक्रम रहेको छ भने मतदाताको अन्तिम नामावली भदौ २३ गते प्रकाशित हुने जनाएको छ ।
पहिलो चरणमा २६ कात्तिकमा हुने निर्वाचनका लागि २१ असोजबाट २६ असोजसम्म उम्मेदवारी दर्तालगायतका निर्वाचनका कार्यक्रमको मिति तोकिएको छ ।
दोस्रो चरणमा ३ मंसिरमा हुने निर्वाचनका लागि ३१ असोज देखि ५ कात्तिकसम्म कार्यक्रम सञ्चालन हुने जनाइएको छ ।
