काठमाडौं । जनता समाजवादी पार्टी (जसपा)ले राष्ट्रपतिबारे निर्णय लिन हतार नगर्ने बताएको छ ।
आज बसेको पार्टीको कार्यकारिणी समितिको बैठकपछि बोल्दै कार्यालय प्रमुख प्रकाश अधिकारीले कुनैपनि पार्टीको उम्मेदवार नटुंगिएकोले त्यसबारे छलफल गर्न आवश्यक नरहेको बताएका हुन् ।
‘राष्ट्रपतिबारे अहिलेसम्म कुनै औपचारिक निर्णय भएको छैन ।’, उनले भने, ‘कुनै पार्टीले अहिलेसम्म उम्मेदवार नै नटुंग्याएको अवस्थामा हामीले त्यसबारेमा थप छलफल गर्न आवश्यक छैन ।’
पार्टीले विचार र सिद्धान्त मिल्नेहरुसँग एकता गर्दै जाने नीति बनाएको अधिकारीले बताए । ‘हामीले आधार बनाएर एकीकृत समाजवादीसहित अन्य पार्टीसँग छलफल गरिरहेको छ । वार्ता सकारात्मक रुपमा अघि बढेको छ ।’, उनले भने, ‘विचार मिल्लेहरुसँग सकेसम्म एकीकरण नभए मोर्चा गरेर अघि बढ्छौं’।
