काठमाडौं । नेकपा एमालेका केन्द्रीय सदस्य दुर्गा प्रसाईले पार्टी परित्याग गरेका छन् । स्रोतको अनुसार प्रसाईंले आजै काठमाडौं आएर पार्टी अध्यक्ष केपी शर्मा ओलीसमक्ष राजीनामा बुझाउने तयारी गरेका छन् ।
प्रसाईले पूर्वराजपरिवारलाई अघि सारेर ‘नागरिक बचाऊ महाअभियान’ सुरु गरेपछि एमालेको स्थानीय कमिटीले कारवाही सिफारिस गरेको थियो । पार्टीले निर्णय लिनुपूर्व उनी आफैंले एमालेबाट अलग भएका हुन् ।
विगतमा माओवादी अध्यक्ष प्रचण्डनिकट मानिएको प्रसाई २०७८ मंसिर २६ मा एमाले केन्द्रीय समितिमा मनोनीत भएका थिए ।
