हेटौँडा । मकवानपुरको मनहरी गाउँपालिका वडा नम्बर–६ रामडाडाँमा ट्रकको ठक्करबाट स्कुटर चालकको मृत्यु भएको छ ।
चितवनबाट हेटौंडा तर्फ आउँदै गरेको ना ५ ख ३५५७ नम्बरको ट्रकले विपरित दिशाबाट आउँदै गरेको गा १५ प ३९६९ नम्बरको स्कुटरलाई ठक्कर दिँदा स्कुटर चालकको मृत्यू भएको प्रहरीले बताएको छ ।
मकवानपुर प्रहरी प्रवक्ता डीएसपी टेक बहादुर कार्कीको अनुसार कास्की जिल्ला निर्मल पोखरी–२ बस्ने ३८ वर्षीया स्कुटर चालक निर्मला परियारको मृत्यू भएको हो ।
ठक्कर दिने ट्रक र चालक प्रहरीको नियन्त्रणमा रहेको बताईएको छ।
