दाङ । लुम्बिनी प्रदेशकी पूर्वराज्यमन्त्री विमलाकुमारी वलीले नेकपा ९माओवादी केन्द्र० परित्याग गरेको घोषणा गरेकी छन् । पार्टीले आफूलाई असहयोग र बेवास्ता गरेको भन्दै उनले पार्टी परित्याग गरेको घोषणा गरेकी हुन् ।
वलीले नेकपा ९माओवादी केन्द्र० जिल्ला कमिटी दाङमा माघ २४ गते नै राजीनामा पत्र बुझाएकी हुन् । पत्रमा उनले आफ्नो राजनीतिक उतारचढावका बेला पार्टीले कुनै सहयोग नगरेको गुनासो गरेकी छन् । उनले भनेकी छन्, “मलाई जबरजस्ती मन्त्री पदबाट राजीनामा दिन लगाइयो । त्यसपछि पार्टीले मलाई कुनै वास्ता गरेन । भूमिकाहीन बनायो । पार्टीले युज एण्ड थ्रो गर्यो । त्यसैले पार्टीबाट राजीनामा दिएकी हुँ ।”
नेकपा ९एमाले० का स्वर्गीय नेता उत्तरकुमार वलीकी श्रीमती उनी आफ्ना श्रीमान्को सवारी दुर्घटनामा निधन भएपछि भएको उपनिर्वाचनमा तत्कालीन नेपाल कम्युनिष्ट पार्टी ९नेकपा० बाट प्रदेशसभा सदस्यमा निर्वाचित भएकी थिइन् ।
सर्वोच्च अदालतले नेकपालाई वैधता नदिएपछि नेकपा ९एमाले० र नेकपा ९माओवादी केन्द्र० मा पार्टी विभाजन हुँदा उनले माओवादी केन्द्र रोजेकी थिइन् । माओवादी केन्द्रले उनलाई लुम्बिनी प्रदेशको स्वास्थ्य राज्यमन्त्री बनाएको थियो ।
राज्यमन्त्री भएकै बेला लेनदेनको विषयमा एक महिला र बालिकामाथि हातपात गरेको भन्दै विवादमा तानिएपछि उनले राज्यमन्त्री पदबाट राजीनामा दिएकी थिइन् ।
