काठमाडौँ । चिकित्सकहरुले आन्दोलन गरेपछि विरामीहरु समस्यामा परेका छन् । आन्दोलनका कारण समस्यामा परेको भन्दै विरामी र उनीहरुका आफन्तले वीर, लगायत बिभिन्न अस्पताल अगाडि प्रदर्शन गरेका छन् ।
चिकित्सकहरुको आन्दोलनका कारण वीरलगायत विभिन्न अस्पतालमा आज आकस्मिक सेवाबाहेक सबै सेवा ठप्प छन् । सेवा ठप्प भएको विरोधमा विरामी र आफन्तले प्रदर्शन गरेका हुन् ।
विरामी र आफन्तले अहिले वीर अस्पताल अगाडि नारबाजी गरिरहेका छन् । उपचार सेवा नपाउँदा टाढा टाढााबाट आएका विरामीहरु आक्रोशित बनेका छन् ।
संघीय संसद्को दुवै सदनलाई सम्बोधन गर्नका लागि शुक्रबार संघीय संसद् भवन नयाँ बानेश्वरमा राष्ट्रपति विद्यादेवी भण्डारीको सवारी चलाउने क्रममा वीर अस्पतालबाट ट्रमा सेन्टरतर्फ जाने क्रममा एक चिकित्सकमाथि प्रहरीले हातपात गरेको भन्दै नेपाल चिकित्सक संघले आन्दोलनको घोषणा गरेको थियो ।
उक्त घटनाप्रति स्वास्थ्य मन्त्रालयले दुःख व्यक्त गर्दै आन्दोलन फिर्ता लिन आग्रह गरेको छ । यद्यपि गंगालाल अस्पतालले भने आन्दोलनको अवज्ञा गर्दै विरामीहरुलाई सबै किसिमका सेवा दिइरहेको छ ।
