दक्षिणी टर्की र उत्तरी सिरियामा गएको शक्तिशाली भूकम्पका कारण अहिलेसम्म ९,००० जनाभन्दा बढी मानिसको मृत्यु भएको पुष्टि भएको छ ।
दुवै देशका प्रभावित स्थानहरूमा खोजी तथा उद्धारकार्य जारी छ ।
टर्कीमा केन्द्रबिन्दु बनाएर सोमवार बिहान सबेरै ७.८ म्याग्निट्यूडको भूकम्प गएको थियो। त्यस बेला मानिसहरू सुतिरहेका थिए ।
त्यसपछि दर्जनौँ परकम्पहरू गए ।
पहिलो भूकम्प गएको केही घण्टापछि दिउँसो गएको ७.५ म्याग्निट्यूडको भूकम्पको केन्द्रबिन्दु दक्षिणपूर्वी टर्कीस्थित काहरामान्मारश सहरनजिकै थियो । बीबीसीबाट साभार
सिरियाको विद्रोही नियन्त्रित बाब अल–हवा क्रशिङबाट टर्की जाने बाटोनजिकै अवस्थित अस्पतालमा सोमवार बिहान गएको भूकम्पमा घाइते भएका मानिसहरू उपचारका लागि पुगेका थिए ।
टर्की र सिरियामा सयौँ भवनहरू भत्किएपछि भग्नावशेषमा फसेका मानिसहरूलाई बचाउन उद्धारकर्ताहरू लागिरहेका छन् ।
भत्किएको भवनको भग्नावशेषबाट बाहिर निकालेपछि उद्धारकर्मीले एक तीनवर्षे बालिकालाई एम्बुलेन्सतिर लैँजादै गर्दाको दृश्य । टर्कीका राष्ट्रपतिले भूकम्प प्रभावित क्षेत्रमा तत्कालै उद्धार तथा खोजीका लागि टोली पठाइएको बताएका छन् ।
भूकम्पको मारमा पशुपन्छी पनि परेका छन् ।
उक्त भूकम्प टर्की र सिरियाबाहेक लेबनन, साइप्रस र इजरेलमा पनि महसुस भएको थियो । पहिलो भूकम्पको केन्द्रबिन्दु टर्कीको गाजियान्टेप सहरनजिकै थियो ।
गाजियान्टेपको उत्तरपूर्वस्थित दियार्बाकरमा धेरै मानिसहरू भग्नावशेषमुनि फसेका थिए ।
यो आकाशबाट खिचिएको दृश्यले टर्कीको एडनाको कुकुरोभा जिल्लामा एउटा भवनको भग्नावशेषमा खोजी तथा उद्धार कार्य भइरहेको देखाउँछ ।
गाजियान्टेपको उत्तरपूर्वस्थित मलाट्यामा भत्किएका भवनमा थिचिएर कारहरू चकनाचुर भएका थिए ।
इजरेल र अमेरिकासहित विश्वभरिबाट सहयोगको प्रस्ताव गरिएको छ । दाताहरूले सहायता सामग्री र जनशक्ति पठाउन तयार रहेको बताएका छन् ।
