काठमाडौं । बलिउड अभिनेता सलमान खान नेपाल आउने भएका छन्। उनी आगामी वैशाख ३ गते काठमाडौंमा हुने कार्यक्रममा सामेल हुन नेपाल आउन लागेका हुन्।
ओडीसी इन्टरटेनमेन्टले खानसँगे बलिउडका कलाकार सोनाक्षी सिन्हा, ज्याकलिन फर्नान्डिज, प्रभु देवा, मनिष पल, आयुष शर्मालगायतलाई नेपाल ल्याउन लागेको हो।
सलमान २०७४ मै नेपाल आउने कार्यक्रम थियो। उक्त वर्ष फागुन २६ गते काठमाडौंमा सलमानसँगै भारतीय कलाकारहरुलाई लिएर दबंग रिलोडेड नामक कार्यक्रम आयोजना हुने घोषणा भएको थियो। तर, कार्यक्रमलाई लिएर विवाद भएपछि उक्त कार्यक्रम स्थगित भएको थियो।
दशरथ रंगशालामा हुने कार्यक्रमका लागि तयारी समेत थालिएको आयोजकले जनाएको छ।
