एजेन्सी । मध्यपूर्वका चार देश टर्की, सिरिया, लेबनान र इजरायलमा सोमबार बिहान गएको भूकम्पले ठूलो क्षति पुर्याएको छ ।
१२ घण्टामा यहाँ ठूलो भूकम्प गएको थियो । भूकम्पको केन्द्रबिन्दु टर्की र नजिकैको सिरियाका क्षेत्रमा सबैभन्दा बढी विनाश देखिएको छ ।
समाचार एजेन्सी रोयटर्सका अनुसार टर्की र सिरियामा हालसम्म ३७०० जनाको मृत्यु भइसकेको छ । लेबनान र इजरायलमा पनि भूकम्पको धक्का महसुस गरिएको थियो तर यहाँ क्षति भएको समाचार प्राप्त छैन ।
टर्कीमा हालसम्म २३०० जनाको ज्यान गएको छ । ११ हजार घाइते भएको खबर छ । सरकारले ७ दिने राष्ट्रिय शोकको घोषणा गरेको छ । सोही समयमा सिरियामा १ हजार ४४४ जनाको मृत्यु भएको छ भने २ हजारभन्दा बढी घाइते भएका छन् ।
टर्कीश मिडियाका अनुसार ३ वटा ठूलो भूकम्प गएको थियो । पहिलो टर्की समय अनुसार बिहान ४ बजे। दोस्रो १० बजे र तेस्रो दिउँसो ३ बजे भूकम्प गएको थियो । यसबाहेक ७८ वटा पराकम्पन रेकर्ड गरिएको थियो । तिनीहरूको तीव्रता ४ देखि ५ थियो ।
भूकम्पको केन्द्रबिन्दु टर्कीको गाजियनटेप सहर थियो । यो सिरिया सीमाबाट ९० किलोमिटर टाढा छ । त्यसैले यसको वरपरका क्षेत्रमा थप विनाश भएको थियो । दमास्कस, अलेप्पो, हामा, लताकिया लगायतका धेरै सहरहरूमा भवनहरू भत्किएको खबर छ ।
अंकारा, गाजियन्टेप, कहरामनमारस, दियारबाकिर, मालत्या, नुरदागीलगायत १० सहरहरूमा ठूलो विनाश भएको छ । यहाँ १ हजार ७१० भन्दा बढी भवन भत्किएको समाचार छ । धेरै मानिस भग्नावशेषमुनि दबिएका छन् । मानिसहरूलाई बचाउन उद्धार कार्य जारी छ । धेरै क्षेत्रमा आपतकाल लगाइएको छ ।
टर्कीका उपराष्ट्रपति फुआत ओक्तेका अनुसार देशका १० सहरमा आपतकालीन र रेड अलर्ट जारी रहनेछ । सबै विद्यालय र कलेजहरु एक साता बन्द रहनेछन् । हाल दुई सय उडान रद्द भएका छन् । सेनाका लागि हवाई करिडोर निर्माण भइरहेको र यसमा विमानलाई मात्र अवतरण र टेकअफ गर्न दिइनेछ ।
