काठमाडौँ । काठमाडौँको साँखुस्थित शालीनदीमा स्वस्थानी माताको दर्शन गर्नेको भीड लागेको छ ।
प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म लाग्ने मेलामा बिहानैदेखि विभिन्न स्थानबाट सन्तोषी माताको दर्शन गर्न भक्तालुहरु शालीनदीमा आइपुगेका छन् । शालीनदीको कुण्डमा नुहाइ धुवाइ गरी सन्तोषी माताको दर्शन गर्दा मनले चिताएको पूरा हुने विश्वासले भक्तालुहरु शालीनदी आइपुगेका हुन् ।
मेला अवधिभर हरेक दिन घरघरमा स्वस्थानी कथा भन्ने र सुन्ने गरिन्छ । व्रत बस्नेले महिनाभरि प्रत्येक दिन नुहाइ श्रीस्वस्थानीको पूजा कथा श्रवण गरेमा मनोकांक्षा पूरा हुने विश्वास गरिन्छ ।
