एजेन्सी । दक्षिण अफ्रिकाको पूर्वी केप राज्यमा जन्मदिनको पार्टीमा गोली चलेको छ । घटनामा ८ जनाको मृत्यु भएको छ भने ३ जना गम्भीर घाइते भएका छन् ।
प्रहरीका अनुसार घटना आइतबार साँझ ५ः३० देखि ५ः४५ बजेको बीचमा भएको हो । दुईजना आक्रमणकारी एक घरमा प्रवेश गरे र गोली चलाउन थाले । घटनापछि आक्रमणकारीहरू घटनास्थलबाट फरार भएका छन् ।
अहिलेसम्म कोही पनि पक्राउ परेका छैनन् । प्रहरीले आक्रमणकारीको खोजी गरिरहेको छ भने हालसम्म आक्रमणको कारण खुल्न सकेको छैन ।
प्रहरीका अनुसार घरधनी आफ्नो जन्मदिन मनाउँदै थिए । धेरै पाहुना पनि आएका थिए । त्यसपछि दुई आक्रमणकारी आएर अन्धाधुन्ध गोली चलाउन थाले । आक्रमणमा परी आफ्नो जन्मदिन मनाउने घरका मालिकसहित आठ जनाको मृत्यु भएको थियो ।
