काठमाडौं । नेपाली राष्ट्रिय क्रिकेट टीमलाई भारतीय प्रशिक्षक मोन्टी देशाईले प्रशिक्षण दिन थालेका छन् ।
नेपाल क्रिकेट संघ (क्यान)ले देशाईलाई औपचारिक रुपमा नियुक्त भने गरेको छैन । तर, उनले नियुक्तपूर्व नै आजदेखि राष्ट्रिय क्रिकेट टीमको प्रशिक्षण सम्हालेका हुन् ।
क्यानले मोन्टी देशाईलाई प्रशिक्षकको रुपमा राष्ट्रिय खेलकुद परिषदमा सिफारिस गरिसकेको छ । राखेपको स्विकृतिपछि मात्रै देशाई मुख्य प्रशिक्षकमा नियूक्त हुनेछन् ।
आईसीसी पुरुष क्रिकेट लिग–२ अन्तर्गत त्रिदेशीय श्रृंखला नजिकै आएकोले तत्काललाई क्यानको आग्रहमा देशाईले टीमको प्रशिक्षण सम्हालेको क्यानका कार्यबाहक सचिव प्रशान्तविक्रम मल्लले बताए ।
क्यानले एकदिवसीय श्रृंखलाको लागि २८ खेलाडीलाई बन्द प्रशिक्षणमा बोलाएको थियो ।
