काठमाडौँ । राष्ट्रपति र प्रधानमन्त्री तथा मन्त्रिपरिषद्को कार्यालय सहित सरकारी निकायका वेबसाइटमा समस्या आएको छ ।
शनिबार दिउँसोदेखि सरकारी कार्यालयका वेबसाइट नखुलेका हुन् । सरकारी निकायका जीओभी डट एनपी भएका वेबसाइट नखुलेको राष्ट्रिय सूचना प्रविधि केन्द्रले जनाएको छ । जसले गर्दा सार्वजनिक सेवामा समस्या आएको छ ।
राष्ट्रिय सूचना प्रविधि केन्द्रका प्रवक्ता रमेश पोखरेलले सर्भरमा केही घण्टादेखि समस्या आएकाले सरकारी निकायका वेबसाइट नखुलेको जानकारी दिए । सर्भरमा समस्या आएपछि ह्याक भएको आशंका गरिएको उनले बताए ।
