काठमाडौँ । बागमती प्रदेशमा पनि ३ वटा मन्त्रालय घटाइने भएको छ । यसअघि १४ मन्त्रालय रहेको वागमतीमा घटाएर ११ मन्त्रालय कायम गर्न लागिएको हो ।
अहिलेको १४ मन्त्रालयको कामको मूल्याङ्न, आर्थिक भारलाई मध्यनजर गर्दै कुन–मन्त्रालय कटौती गरी कहाँ मर्ज गर्दा काम गर्न सहज हुन्छ भन्ने हिसाबमा प्रतिवेदन तयार पारिँदैछ ।
यसअघि डोरमणी पौडेल नेतृत्वमा ७ रहेको मन्त्रालयलाई अष्टलक्ष्मी शाक्यको पालामा थप गरी ८ बनाइएको थियो । त्यस्तै, राजेन्द्र पाण्डे मुख्यमन्त्री बन्दा गठबन्धनमा भागबण्डा मिलाउन मन्त्रालयको संख्या ८ बाट १४ पुर्याइएको थियो ।
