एजेन्सी । अमेरिकी अन्तरिक्ष यात्री बज एल्ड्रिनले शुक्रबार ९३ वर्षको उमेरमा चौथो विवाह गरेका छन् । उनकी श्रीमती डा। एनका फर ६३ वर्षकी भइन् ।
एल्ड्रिन आफैले ट्विटरमा यो जानकारी दिएका छन् । उनले लेखेका छन्, ‘घरबाट भागेर विवाह गर्ने किशोरकिशोरीजस्तै हामी दुवै उत्साहित छौं ।’
नील आर्मस्ट्रङ र बज एल्ड्रिन सन् १९६९ मा अपोलो ११ मिसन अन्तर्गत चन्द्रमामा गएका थिए । चन्द्रमामा अवतरण गर्ने पहिलो व्यक्ति नील आर्मस्ट्रङ थिए । उनको १९ मिनेटपछि बज एल्ड्रिनले चन्द्रमामा पाइला राखेका थिए ।
बज एल्ड्रिनले विवाहपछि पत्नी एनकासँगको तस्बिर ट्विटरमा सेयर गरेका छन् । उनले लेखेका छन्, ‘मेरो ९३औँ जन्मदिनको अवसरमा यो जानकारी गराउन पाउँदा खुसी लागेको छ कि मैले मेरी प्यारी डा। एनका फरसँग विवाह गरेको छु । हामीले लस एन्जलसमा एउटा सानो समारोहमा विवाह गर्यौं ।’
बज एल्ड्रिन तीन जना अपोलो ११ चालक दलका एक मात्र जीवित सदस्य हुन् । मिसनमा उनीसँगै आएका अन्य दुई सदस्यको निधन भएको छ । बज एल्ड्रिनले सन् १९७१ मा नासाबाट अवकाश लिएका थिए । उनले सन् १९९८ मा सेयर स्पेस फाउन्डेसन स्थापना गरेका थिए । यसको उद्देश्य अन्तरिक्ष अन्वेषणलाई बढावा दिनु रहेको छ ।
