काठमाडौं । ब्राजिलियन डिफेन्डर डानी अल्भेस पक्राउ परेका छन् ।
महिलालाई यौन दुर्व्यवहार गरेको आरोपमा अल्भेस स्पेनमा पक्राउ परेका हुन् ।
बार्सिलोनाका पूर्व डिफेन्डर अल्भेसमाथि गत डिसेम्बर ३० मा नाइट क्लबमा एक महिलालाई यौन दुर्व्यवहार गरेको आरोप छ।
शुक्रबार प्रहरीमा उपस्थित भएका अल्भेसले आरोप अस्वीकार गरेका छन् । उनले नाइट क्लबमा आफू उपस्थित भएपनि दुर्व्यवहार नगरेको दाबी गरेका छन् ।
अल्भेस अदालतको सुनुवाइमा बार्सिलोनाको सिउटाट डे ला जस्टिसिया उपस्थित हुनेछन् ।
