पोखरा । काठमाडौँबाट आएका दुई फरेन्सिक विज्ञले विमान दुर्घटनामा निधन भएका शवको पहिचानका लागि काम सुरु गरेका छन् । टिचिङ अस्पताल महाराजगञ्जबाट आएका फरेन्सिक विशेषज्ञ डा गोपाल चौधरी र डा समारिका दाहालले शवको परीक्षण सुरु गरेका हुन् ।
दुर्घटनामा निधन भएकाको पहिचान तथा पोस्टमार्टमका लागि पोखरा र काठमाडौँका विज्ञ चिकित्सकसहितको टिम बनाइएको छ ।
पोखरामा आफन्त भएका नागरिकको शवलाई पोखरा स्वास्थ्य प्रतिष्ठानमा पोष्टमार्टम गर्ने र अन्य चालक दलका सदस्य विदेशी यात्रु र नचिनिने अवस्थामा भएका शवलाई काठमाडौँ पठाइने भएको छ ।
नेपाल नागरिक उड्डयन प्राधिकरणका अनुसार दुर्घटनामा अहिलेसम्म २६ जनाको मात्र शव पहिचान भएको छ । विमानमा सवार ७२ मध्ये हालसम्म ६८ को शव फेला परेको जनाइएको छ । चार जनाको शवको खोजी भइरहेको छ ।
