काठमाडौं । प्रधानमन्त्री शेरबहादुर देउवा नेतृत्वको गठबन्धन सरकारलाई जनता समाजवादी पार्टी (जसपा)को उपेन्द्र यादवपक्षले आठ जना मन्त्री मागेको छ। जसपाले आठ जना मन्त्रीमध्ये सात जना मन्त्री र एक जना राज्यमन्त्री मागेको हो ।
जसपा नेता मोहम्मद इस्तियाक राईका अनुसार शनिबार बसेको संसदीय दलको अनौपचारिक बैठकमा यही मागसहित अगाडि बढ्ने समझदारी भएको बताए।
देउवा सरकारमा नेपाली कांग्रेस, नेकपा माओवादी केन्द्र र जसपा सहभागी हुने अवस्थामा सात मन्त्री र एक राज्यमन्त्री हुनुपर्ने जसपाको माग रहेको छ ।
