काठमाडौं । कोरोनाको कहरले अहिले विश्व आक्रान्त बनिरहेको छ । यस्तो अवस्थामा सबैजनाले सामाजिक दूरी कायम गर्न र अनिवार्य मास्क लगाउन सल्लाह दिइन्छ ।
यसैबीच अमेरिकाको सेन्टर फर डिजीज कन्ट्रोल यान्ड प्रिभेन्सनले कोरोनाबाट बच्न दुईवटा मास्क लगाउन सल्लाह दिएको छ ।
विज्ञहरूका अनुसार, डबल मास्कले धेरै हदसम्म कोरोनाबाट बचाउँछ । अनि यसलाई सही ढंगले लगाउनु प जरूरी छ ।
सर्जिकल मास्कले जम्मा ५६.१ प्रतिशत सुरक्षा दिन्छ भने कपडाको मास्कले ५१.४ प्रतिशत सुरक्षा दिन्छ । तर डबल मास्क लगाएमा संक्रामक कणबाट लगभग ८५.४ प्रतिशतसम्म सुरक्षा दिन्छ ।
डबल मास्क टाइट हुन सक्छ । त्यसैले बाहिर जानुअघि घरमै एकछिन डबल मास्क लगाएर हिँड्ने गर्नुपर्छ । त्यसो गर्दा यो कत्तिको फिट र आरामदायी छ भन्ने थाहा हुन्छ । अनि बोल्दा पनि अप्ठ्यारो हुँदैन ।
सफा मास्क लगाउनुपर्छ । घर परिवारकै मान्छेले पनि आफ्नो मास्क अरूलाई दिनुहुँदैन र अरूको लगाउनुहुँदैन ।