काठमाडौँ । संघीय संसद सचिवालयले आइतबार बस्ने प्रतिनिधि सभा बैठकको कार्यसूची सार्वजनिक गरेको छ । शनिबार बेलूकी सार्वजनिक भएको कार्यसूचीअनुसार अपरान्ह ४ बजे बस्ने भएको हो ।
संघीय संसद सचिवालयका महासचिव भरतराज गौतमले निकालेको विज्ञप्तिका अनुसार बैठकको सुरुमा सभामुख अग्नि सापकोटाले राष्ट्रपति कार्यालयले पठाएका प्रतिनिधि सभाको अधिवेशन आह्वान र मन्त्रिपरिषद बैठकबारेको पत्र पढेर सुनाउने र त्यसपछि बैठकको अध्यक्षता गर्ने सदस्य र निधन भएका पूर्व सांसद तथा संविधानसभा सदस्यको शोक प्रस्ताव पारित गरेर बैठक स्थगित हुने उल्लेख छ ।
