काठमाडौँ । नेकपा माओवादीकी सांसद रेखा शर्माले पूर्वप्रधानमन्त्री शेरबहादुर देउवाले निषेधको राजनीति अन्त्य गर्नुभएको बताउनुभएको छ ।
मंगवारको प्रतिनिधि सभाको बैठकमा बोल्दै सांसद शर्माले प्रमुख प्रतिपक्ष दलका नेता पूर्वप्रधानमन्त्री देउवाले निषेधको राजनीति अन्त्य गरेको दाबी गर्नुभएको हो । उहाँल राजनीतिक दलहरु फेरि पनि सहकार्यको आवश्यकता रहेको बताउनु भयो । उहाँले देशलाई अफ्ठ्यारो परेको बेलामा सबै एकजुट हुने राष्ट्रिय सहमतिको शुरुवात हुन लागेको भन्दै खुशी व्यक्त गर्नुभयो ।
उहाँले प्रधानमन्त्री पुष्पकमल दाहालले देशलाई समृद्धिमा अगाडि बढाउनेमा विश्वास व्यक्त गर्नुभयो । शर्माले देश र राष्ट्रलाई कसरी अगाडि लैजाने भन्ने विषयमा बुँदागत रुपमा राख्नुभएकाले सबैले समर्थन गर्ने आग्रह गर्नुभयो ।
उहाँले कुनै पार्टी बहुमत प्राप्त गर्न नसकेका भन्दै अहिलेको जनादेशअनुसार सरकार बनेको बताउनु भयो ।
