काठमाडौं । पहिलो संस्करणको नेपाल टी–२० लिगमा आज लुम्बिनी अल स्टार र जनकपुर रोयल्सबीच खेल हुँदैछ । प्लेअफको पहिलो दिन/ पहिलो क्वालिफायरमा आज यी टोलिले फाईनलको लागि भिड्दैछन्।
किर्तिपुरको टियु मैदानमा हुने पहिलो क्वालिफायर मध्यान्ह १२ः३० बाट सुरु हुनेछ । आजको बिजेताले फाईनलमा सिधै स्थान बनाउँने छ भने पराजित हुने टोलीले सोमबार हुने ईलिमेटर खेलको बिजेतासँग फाईनल प्रवेशका लागि खेल्नेछ ।
लुम्बिनी र जनकपुरले यस लिगको समूह चरणमा भएको दुई खेलमा एकआपसविरुद्ध १/१ खेल जितेका छन् ।
पहिलो संस्करणको लिगमा ६ टोलीको सहभागिता रहेको छ । यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।
