काठमाडाैँ । मुग्लिन–नारायणगढ सडकखण्डमा पहिरो तथा माथिबाट ढुंगा खसेर अवरुद्ध भएको सडक पूर्णरूपमा सञ्चालनमा आएको छ।
सडक डिभिजन कार्यालय भरतपुरका अनुसार सोमबार बिहान ३ः१५ बजेसम्म सडकखण्डका विभिन्न स्थानमा पहिरो र ढुंगा खसेर सडक अवरुद्ध बनेको थियो। अवरोध हटाइएपछि अहिले सडकखण्ड पूर्णरूपमा सञ्चालनमा आएको कार्यालयले जनाएको छ।
तर, सडकखण्डमा पहिरोको जोखिम अझै कायमै रहेकाले सावधानीपूर्वक तथा सुरक्षित यात्रा गर्न सडक डिभिजन भरतपुरले यात्रुलाई अनुरोध गरेको छ।
