एजेन्सी । यदि तपाईँ ट्वीटर प्रयोग गर्नुहुन्छ भने, यो खबर तपाइँको लागि रहेको छ । बिहीबार ट्वीटरबाट २० करोडभन्दा बढी प्रयोगकर्ताको इमेल ठेगाना चोरी भएको छ ।
यो जानकारी इजरायलको साइबर सेक्युरिटी कम्पनी हडसन रकले दिएको हो । कम्पनीका सह–संस्थापक एलन गालका अनुसार यो डाटा अनलाइन ह्याकिङ फोरममा पोस्ट गरिएको छ । हाल ट्वीटरले यसबारे कुनै प्रतिक्रिया दिएको छैन ।
गालले यस डाटा लिकबाट ह्याकिङ, टारगेट फिसिङ र डक्सिङ निम्त्याउने समेत बताए । यो अहिलेसम्मकै सबैभन्दा ठूलो डाटा चोरी भएको उनको भनाइ छ ।
उल्लङ्घन–सूचना साइट ह्याभ आई बीन पोन्डले धेरै ट्विटर प्रयोगकर्ताहरूलाई इमेल सूचनाहरू पठाएको छ । यी सबै इमेल ठेगानाहरू लीक भएका छन् । यसको स्क्रिनसट पनि सामाजिक सञ्जालमा भाइरल भइरहेको छ । सूचनामा भनिएको छ– ‘तपाईको इमेल ठेगाना खुलासा भएको छ । हामी यसलाई समाधान गर्न सुझाव दिन्छौं ।’
