एजेन्सी । बलिउड अभिनेता ऋतिक रोशनले आफ्नो तस्विरले सामाजिक सञ्जालमा सनसनी मच्चाएका छन् । यी तस्बिरहरूमा ऋतिक आफ्नो ‘एट प्याक एब्स’ सार्वजनिक गरेका छन् । ४८ वर्षको उमेरमा पनि यस्तो शरीर देखेर सबै अचम्मित भएका छन् ।
ऋतिकले आफ्नो आगामी फिल्म ‘फाइटर’का लागि यस्तो बलियो शरीर बनाएका हुन् । यो तस्बिरमा ऋतिक रोशन ऐना अगाडि उभिएको देख्न सकिन्छ । उनले यो तस्बिर जिममा क्लिक गरेका हुन् ।
यो फिल्म जनवरी २०२४ मा रिलिज हुनेछ । यस पावर प्याक्ड एक्सन फिल्ममा ऋतिकको अपोजिटमा दीपिका पादुकोण पनि देखिनेछिन् । ‘फाइटर’ लाई एक्सन निर्देशक सिद्धार्थ आनन्दले निर्देशन गर्दैछन् ।
सिद्धार्थ आनन्दसँग ऋतिकको यो दोस्रो फिल्म हो । यसअघि सिद्धार्थको निर्देशनमा बनेको फिल्म ‘वार’मा ऋतिक मुख्य कलाकारको भूमिकामा देखिएका थिए । फिल्ममा ऋतिक र दीपिकाका अलावा अनिल कपूर पनि देखिनेछन् ।
