काठमाडौँ । टोखा युवा क्लवद्वारा टोखामा आयोजित ‘टोखा युवा राष्ट्रिय खुल्ला र्यापिड चेस प्रतियोगिता-२०७९’ को उपाधि काठमाडौँका सुरवीर लामाले हात पारेका छन् ।
पूर्व नेपाल च्याम्पियन समेत रहेका लामाले उनका प्रतिद्वधि रौटहडका फिडेमास्टर (एफ.एम.) रुपेश जेसवाललाई सात अंकको खेलमा समान साढे ६ अंक ल्याए पनि बुकहोल्ज टाइब्रेकमा १ अंकले हराउँदै प्रतियोगिताको उपाधि हात पारेका हुन ।
रौटहडका फिडेमास्टर (एफ.एम.) रुपेश जेसवाल दोस्रो र काभ्रेका फिडेमास्टर (एफ.एम.) क्षितिज भण्डारी तेस्रो बनेका छन् । त्यस्तै, खुल्ला प्रतियोगिता तर्फ लमजुङ्गका सविन चन्द्र घिमिरे चौठौँ, तीपटक नेपाल च्याम्पियन
रहेका लितपुरका बद्रिलाल नेपाल पाँचौँ, पूर्व नेपाल च्याम्पियन क्यान्डिडेट मास्टर ९सी।एम।० काठमाडौँ संकटा क्लवका नवीन तण्डुकार छौठौँ, भक्तपुरका गणेशमान ढुवाल सातौँ, काठमाडौँका कमल मैनालि आठौँ, काठमाडौँकै धिरज राई नवौँ र भक्तपुरका जगनाथ ताम्राकार दसौँ बनेका छन् ।
टोखा नगरपालिका ३ वडा कार्यालय र टोखा युवा वहुउद्देशीय सहकारी लिमिटेडको सहयोगमा टोखा युवा क्लवद्वारा आयोजित सो प्रतियोगिताको पहिलो, दोस्रो र तेस्रो हुनेले क्रमशः २५ हजार, १५ हजार, १० हजार नगद सहित ट्रफी, मेडल र प्रमाणपत्र प्राप्त गरेका छन् ।प्रतियोगिताको चौठौँ र पाँचौ हुनेले क्रमशः ७ हजार, ६ हजार नगद सहित ट्रफी, मेडल र प्रमाणपत्र प्राप्त गरेका छन् । त्यस्तै, छौठौँदेखि दसै हुनेले ४ र४ हजार नगद सहित ट्रफी, मेडल र प्रमाणपत्र प्राप्त गरेका छन् ।
प्रतियोगिताको टोखा स्तरीय तर्फ आशा नारायण महर्जन प्रथम भएका छन् । भने क्रमशः प्रयोगिताका संयोजक रण बहादुर डंगोल दोस्रो र जितेन्द्र डंगोल तेस्रो बनेका छन् ।प्रथम दोस्रो र तेस्रो हुनेले क्रमशः ५ हजार, ३ हजार, २ हजार नगद सहित ट्रफी, मेडल र प्रमाणपत्र प्राप्त गरेका छन् ।
उक्त प्रतियोगितामा नयाँ खेलाडी तर्फ बर्दियाका विशाल लमशाल, उत्कृष्ट महिला तर्फ काठमाडौँकी बिनिता कपाली, १६ वर्ष मुनीका तर्फ काठमाडौँका कुशल बेलवासे, भेन्ट्रान (५५ वर्ष उमेर माथी) तर्फ काठमाडौँका जनर्दन श्रेष्ठ, १६०० रेटिङ्ग समुहमा बर्दियाका निशान्त श्रेष्ठ र १८०० रेटिङ्ग समुहमा सुनसरीका डा। मनिराज डाँगी उत्कृष्ट भएका छन् । उनीहरुले जनही ३ र३ हजार नगद सहित ट्रफी, मेडल र प्रमाणपत्र प्राप्त गरेका छन् । प्रतियोगिताको प्रमुख निर्णायक नेपाल बुद्धिचाल संघका इन्टरनेशनल आर्विटर ज्ञानेन्द्र खाइजु रहेका थिए ।
क्लवका अध्यक्ष तथा कार्यक्रमका सभापति राजीव श्रेष्ठको सभापतित्वमा समापन कार्यक्रममा टोखा नगरपालिका उपप्रमुख मुरारी तामाङ लगायतले पुरस्कार वितरण गरेका थिए । पुष १५ देखि सञ्चालित प्रतियोगितामा ३ जना पूर्व राष्ट्यि च्याम्पियन सहित २१ जिल्लाबाट ९१ खेलाडी सहभागी थिए ।
प्रतियोगिता रण बहादुर डंगोलको संयोजकत्वमा टोखा नगरपालिका ३ वडा कार्यालयको सभाहलमा आयोजना गरिएको थियो ।
