काठमाडौं । पोखरा रंगशालामा भएको मैत्रीपूर्ण खेलमा स्पेनको दोस्रो डिभिजनको लिग क्लब कासेरेन्यो सिपीले नेपालको गण्डकी-११ लाई पराजित गरेको छ । बुधबार भएको खेलमा कासेरेन्योले गण्डकी-११ लाई ३-० गोल अन्तरले हराएको हो ।
कासेरेन्योको जितमा कार्मेलो मोराले खेलको २३ औं मिनेटमा गोल गर्दै टोलीलाई सुरुआती अग्रता दिलाए । यस्तै, खेलको ३० औं मिनेटमा मिगुएल एन्जल कारिलेरो गोन्जालेजले गोल गर्दै टिमलाई २-० को अग्रता दिलाए । त्यसपछि खेलको ९० औं मिनेटमा बेर्मुले गोल गर्दै कासेरेन्योलाई ३-० ले विजयी गराए ।
नेपालमा दुई मैत्रीपूर्ण खेल खेल्नका स्पेनको दोस्रो डिभिजनको क्लब नेपाल आएको हो । कासेरेन्योले बिहीबार दशरथ रंगशालामा काठमाडौं-११ सँग मैत्रीपूर्ण खेल खेल्नेछ ।
