काठमाडौँ । नेकपा (एमाले) का अध्यक्ष केपी शर्मा ओली प्रधानमन्त्री पुष्पकमल दाहाल ‘प्रचण्ड’ निवास खुमलटार पुग्नुभएको छ । अध्यक्ष ओलीले प्रधानमन्त्री प्रचण्डसँग मन्त्रिपरिषद् विस्तारका लागि मन्त्रालय बाँडफाँट र प्रदेश नेतृत्वबारे छलफल गर्नुहुने बताइएको छ ।
आज बिहान नै प्रधानमन्त्री दाहालले एकीकृत समाजवादीका अध्यक्ष माधव नेपाल र जनता समाजवादी अध्यक्ष उपेन्द्र यादवसँग छलफल गर्नुभएको थियो । आजै एमाले अध्यक्ष ओली र नेकपा एसका अध्यक्ष नेपाल बिच पनि छलफल गराउने तयारी भै रहेको छ ।
पछिल्लो पटक अध्यक्ष ओली प्रधानमन्त्री हुँदा प्रचण्डसहित असन्तुष्ट रहेका नेताहरुले जारी गरेको १९ पृष्ठको आरोपपत्र फिर्ता लिन भन्दै ओली २०७७ पुस ४ गते खुमलटार पुग्नुभएको थियो ।
