क्यानाडा । गैरआवासीय नेपाली संघ (एनआरएनए) क्यानाडाको सन् २०२१(२०२३ का लागि 'बोर्ड मेम्बर’ तथा नयां नेतृत्वका लागि हुन् लागेको निर्वाचन धाँधलीपूर्ण हुन् लागेको भन्दै उम्मेदवारले नै चुनाव बहिष्कार गर्ने बताएका छन् ।
निर्वाचनमा उम्मेदवारसँग कुनै सल्लाह नगरीकन तथा निर्वाचन अधिकारीले सबै भोटरहरुलाई पायक पर्ने ठाउँ छनोट नगरि उम्मेदवारहरुको रायबिना नै एकलौटी रुपमा ठाउँ छनोट गरेको भन्दै चुनाव बहिष्कार गर्ने बताएका हुन् ।
बोर्ड मेम्बरका उम्मेदवार क्रमश कृष्ण रेग्मी, भुवन खरेल मधु शरण पाण्डे लगायतका अन्य उम्मेदवारहरुले अनलाइन भोटिङको व्यवस्था भए निर्वाचनमा भाग लिने अन्यथा निर्वाचन बहिष्कार गर्नुका साथै चुनावको अवरोध गर्ने समेत चेतावनी दिएका छन् ।
उनीहरुले एड्मन्टन शहर सँग जोडिएका शाखा शहरहरु १००(२०० किमी दुरिमा रहेका मतदातालाई मतदान गर्न पाउने अधिकारबाट बन्चित हुन नपर्ने तथा कोरोना संक्रमण भएका मतदातालाई समेत मतदान गर्न पाउने अधिकारबाट बन्चित हुन नपर्ने भन्दै अनलाइन भोटिङको व्यवस्था गर्नुपर्ने माग राखेका हुन् ।
उनीहरुले निर्वाचन बहिष्कार गर्ने भन्दै निर्वाचन अधिकारीलाई पत्रसमेत लेखेका छन् ।
यस्तो छ पत्र:
श्रीमान निर्वाचन अधिकारीज्यू
गैरआवासीय नेपाली संघ (एनआरएनए) क्यानाडा
बिषयस् अनलाईन भोटिङ सम्बन्धमा
उपरोक्त सम्बन्धमा गैरआवासीय नेपाली संघ ९एनआरएनए० क्यानाडाको सन् २०२१-२०२३ का लागि 'बोर्ड मेम्बर’ तथा नयां नेतृत्वका लागि हुन् लागेको निर्वाचनमा उम्मेदवारसँग कुनै सल्लाह नगरीकन तथा निर्वाचन अधिकारीले सबै भोटरहरुलाई पायक पर्ने ठाउँ छनोट नगरि उम्मेदवारहरुको रायबिना नै एकलौटी रुपमा ठाउँ छनोट गरेकोमा हाम्रो घोर आपत्ति रहेको छ ।
सम्भावित उम्मेदवारहरु ५ जनाको आवेदन परेको गैरआवसीय नेपाली संघ (एनआरएनए) क्यानडाको एड्मन्टन निर्वाचन क्षेत्रमा निर्वाचन नै सबैको साझा नदेखीएकोले सम्पूर्ण मतदाताहरुलाई भोट दिन पाउने अधिकारबाट बन्चित गराउने बदनियत देखिएकाले यो निर्वाचन धाँधलीतिर धकेलिएको हुँदा यस निर्वाचन क्षेत्रमा अनलाइन भोटिङ भएमात्र निर्वाचन निष्पक्ष हुने देखिएकाले अनलाइन भोटिङ गराइ पाउँ भन्दै यो निवेदन पेश गरेका छौ ।
एड्मन्टन निर्वाचन अधिकारीले उम्मेदवारहरु ५ जनाको राय तथा सल्लाह केही नलिइकन गरेका निर्णयहरु मान्य छैन । मेरो एकमात्र माग निष्पक्ष निर्वाचनका लागि अनलाइन भोटिङ मात्र उपयुक्त माध्यम भएकाले अनलाइन भोटिङ गराए मात्र निर्वाचनमा भाग लिनेछौ अन्यथा यो निर्वाचन बहिष्कार र अवरोध गर्ने व्यहोरा जानकारी गराउछौ ।
निम्न कारणहरुले गर्दा अनलाइन भोटिङमा जान निवेदन पेश गरेका छौ :
१) अल्बेर्टा सरकारद्वारा जारी निश्चित मापदण्डसहितको अल्बेर्टा हेल्थ रेगुलेशन भित्र इनप्रशन भोटिङ नपर्ने ।
२) इनप्रशन भोटिङ गर्दा सरकारद्वारा जारी निश्चित मापदण्ड उल्लङ्घन भएको अवस्थामा के गर्ने,जवाफदेही को बन्ने ?
३) एड्मन्टन शहर सँग जोडिएका शाखा शहरहरु १००-२०० किमी दुरिमा रहेका मतदातालाई मतदान गर्न पाउने अधिकारबाट बन्चित हुन नपर्ने
४) कोरोना संक्रमण भएका मतदातालाई समेत मतदान गर्न पाउने अधिकारबाट बन्चित हुन नपर्ने ।
५) निष्पक्ष निर्वाचनका लागि ।
