काठमाडौं । नेकपा एमाले नेता तथा प्रतिनिधिसभा सदस्य सुवास नेम्वाङले प्रतिनिधिसभा बिघटनलाई बदर गर्दै कांग्रेस सभापति शेर बहादुर देउवालाई प्रधानमन्त्रीमा नियुक्त गर्ने सर्वोच्च अदालतको परमादेशलाई गलत ठहर गर्नुभएको छ ।
प्रतिनिधिसभाको बैठकमा प्रधानमन्त्री शेर बहादुर देउवालाई बधाई ज्ञापन गर्ने क्रममा उहाँले यस्तो बताउनुभएको हो ।
उहाँले भन्नुभयो, "सभामुख महोदय, एउटा दलबाट निर्वाचित भएर आएका सांसदहरु सभामुख महोदयको दाहिने र देब्रेपट्टि बराबरी बस्न सक्ने अवस्था हुन्छ कि हुँदैन । त्यसरी दुई ठाउँमा बस्ने स्थिती भयो भने त्यो अप्ठ्यारो स्थिती होकी होइन, लगायतका प्रसंगहरु अहिलेको फैसलाबाट उठेको छ । यसलाई म धेरै व्याख्या गर्दिनँ । खाली यति भन्छु, यस्ता महत्वपूर्ण कुराहरु गम्भीर विषयहरु हुन्, त्यसतर्फ म सभामुखमार्फत ध्यानाकर्षण गराउन चाहन्छु ।"
