काठमाडौं । नेपाली कांग्रेसका नेता तथा प्रतिनिधिसभा सदस्य प्रकाशमान सिंहले पूर्वप्रधानमन्त्री केपी शर्मा ओलीले सत्तामा रहँदा विधिको पालना नगरेको आरोप लगाउँदै अहिले प्रधानमन्त्री शेर बहादुर देउवालाई जनादेशबाट होइन परमादेशबाट प्रधानमन्त्री नियुक्त भएको भन्ने कुरामा आपत्ति जनाउनुभएको छ ।
प्रतिनिधिसभामा प्रधानमन्त्री शेर बहादुर देउवालाई बधाई दिँदै यस्तो बताउनुभएको हो । उहाँले भन्नुभयो, "पौष ५ गते हाउस विघटन भयो, अहिले भन्छ के भने फेरि दोस्रोपटक जेठ ८ मा पनि गरियो, र अहिले पनि यो सत्तामा बस्दाखेरि कार्यपालिकाको नेतृत्व गर्दाखेरी कार्यपालिकाले अपनाउनुपर्ने विधि नियमहरुलाई पालन नगर्ने, अनि अहिले आएर जनताको जनादेश होइन कि परमादेशबाट प्रधानमन्त्री भयो भनेर कराएर अब के पाउनुहुन्छ उहाँ ।"
उहाँले अगाडी भन्नुभयो, "किनभने के ७६(५) बाट हाम्रा पार्टी सभापति उहाँ चाही प्रधानमन्त्री नियुक्त हुनुभएको छ, र संविधानको मर्म अनुरुप आज यो संसदबाट उहाँ निर्वाचित हुनुभएको छ । आफूले विधि मिच्ने अनि जवरजस्ती रुपमा चुनावमा लैजान खोज्ने ।"
