एजेन्सी । फिफा विश्वकप २०२२ को फाइनलमा फ्रान्सलाई पराजित गर्दै अर्जेन्टिना तेस्रो पटक विश्व च्याम्पियन बन्यो । यो विश्वकप जितसँगै लियोनल मेसीको त्यो सपना पनि पूरा भयो जुन उनले १६ वर्षअघि २००६ मा पहिलो विश्वकपमा देखेका थिए ।
मेसीको यो पाँचौं विश्वकप हो । उनको जितको खुसीयालीमा विश्वभरबाट उत्सव मनाइयो । यसैबीच, एक फ्यानले कपाल काटेर उनको तस्बिर समेत लगाएका छन् । यो भिडियो सामाजिक सञ्जालमा भाइरल भइरहेको छ । यो भिडियो शेयर गर्दै बलिउड अभिनेता अनुपम खेरले लेखेका छन्– ‘यदि मेरो कपाल भएको भए म पनि यसरी कपाल काट्न सक्थें ।’
यो भिडियोमा धेरैको प्रतिक्रिया आइरहेको छ । अहिलेसम्म यो भिडियोलाई ९० हजारभन्दा बढीले हेरिसकेका छन् । भिडियोमा धेरैको कमेन्ट पनि आइरहेको छ । एक प्रयोगकर्ताले कमेन्ट गर्दै लेखेका छन्– ‘निकै राम्रो भिडियो ।’ कमेन्ट गर्दै अर्का प्रयोगकर्ताले लेखेका छन् – ‘ म पनि सहमत छु सर ।’
