एजेन्सी । एम्पायर म्यागजिनले सर्वकालीन महान अभिनेताहरूको ५० जनाको सूची जारी गरेको छ । उक्त सूचीमा बलिउडबाट शाहरुख खानमात्र अटाएका छन् ।
म्यागजिनले शाहरुखका कैयौं फिल्मको प्रशंसा गरेको छ । जसमा ‘देवदास’, ‘माइ नेम इज खान’ ‘कुछ कुछ होता है’ र ‘स्वदेश’मा ‘किंग खान’को चरित्रलाई हाइलाइट गरिएको छ । शाहरुखले फिल्म ‘दीवाना’बाट आफ्नो करियर सुरु गरेका थिए । उनको पहिलो फिल्मले नै उनलाई बलिउडको ‘बादशाह’को रुपमा परिचित बनाएको थियो ।
यस सूचीमा हलिउड अभिनेता डेनजेल वाशिंगटन, टम ह्यान्क्स, एन्थोनी मार्लोन ब्रान्डो, मेरिल स्ट्रिप, ज्याक निकोल्सन लगायत छन् । शाहरुखको फिल्म ‘पठान’ २५ जनवरीमा सिनेमाघरमा रिलिज हुँदैछ । यस फिल्ममा उनीसँगै दीपिका पादुकोण र जोन अब्राहमको पनि मुख्य भूमिका रहेको छ ।
