काठमाडौं । कतारमा जारी फिफा विश्वकप फुटबल २०२२ को फाइनल समीकरण पूरा भएको छ । गए राति मोरक्को र फ्रान्सबिच भएको सेमिफाइनलको खेल सम्पन्न भएसँगै फाइनलमा पुग्ने टोलीको टुंगो लागेको हो ।
कतार विश्वकपको उपाधिका लागि फ्रान्स र अर्जेन्टिनाबीच प्रतिस्पर्धा हुनेछ । फ्रान्सले वुधवार सम्पन्न दोस्रो सेमिफाइनलमा मोरक्कोलाई २-० ले पराजित गर्दै फाइनलमा अर्जेन्टिनासँगको भिडन्त पक्का गरेको हो ।
आफ्नो टोलीको उत्कृष्ट प्रदर्शनसँगै दर्शकहरुले फिफा विश्वकपमा प्रदान गरिने अवार्डमाथि पनि चासो राख्दछन् । यी मध्ये एक हो ‘गोल्डेन बुट’ । यो अर्वाड विश्वकपमा सबैभन्दा धेरै गोल गर्ने खेलाडीलाई दिइन्छ ।
अन्तिम पटक २०१८ मा रसियामा भएको विश्वकपमा इङ्ल्यान्डका ह्यारी केनलाई गोल्डेन बुट दिइएको थियो । उनले ६ गोल गरेका थिए ।
यस विश्वकपमा अहिलेसम्म गोल्डेन बुटका दाबेदारमा अर्जेन्टिनाका कप्तान लियोनल मेस्सी र फ्रान्सेली फरवार्ड केलियन एमबाप्पे रहेका छन् । मेस्सी र एमबाप्पेले समान ५ गोल गरिसकेका छन् ।
यस्तै, ओलिभर जेरुड र जुलियन अल्भारेज पनि दाबेदारको सूचीमा रहेका छन् । उनीहरु दुबैले समान ४ गोल गरेका छन् ।
कोडी गाक्पो, मार्कुस राषफोर्ड, अल्भारो मोराटा, इनर भ्यालेन्सिया, बुकायो साक, रिचार्लिसन, गोन्कालो रामोस पनि ३र३ गोलसहित दाबेदारमा रहेका छन् ।
