काठमाडौं । जनता समाजवादी पार्टीका सांसद रेशम चौधरी पार्टीको आधिकारिकता विवादमातटस्थ बस्नुभएको छ ।
जसपाको आधिकारिकता विवाद निरुपणका लागि सोमवार दिउँसो हस्ताक्षर सनाखत गर्न निर्वाचन आयोग पुग्नुभएका सांसद चौधरीले मुल पार्टी जसपा भएकोले कसैको पक्षमा पनि भोट हाल्न आफ्नो नैतिकताले नदिने भन्दै आफू तटस्थ बसेको बताउनुभएको हो ।
सांसद चौधरीले भन्नुभयो, “जेलबाट आएर एउटा पक्ष र विपक्षमा सनाखत गर्न मेरो नीयत र नैतिकताले दिएन, मेरो लागि पक्ष जसपा हो र विपक्ष पनि जसापा हो, म जसपाको एउटा कार्यकर्ता हुँ, आज राजनीतिक मुद्धाका कारणले म जेल बस्नुपरेको छ, मेरो मुद्धामा राजनीतिक दल, मेरो पार्टी कत्तिको लडिरहेको छ, त्यो उहाँहरुको दृष्टिकोण हो ।”
आफ्नो एकमात्र एजेण्डा न्याय भएको बताउँदै सांसद चौधरीले आफू पार्टीको बफादार सीपाही भएको र आफ्नो लागि महन्थ ठाकुर भीष्मपितामह सरह भएको बताउनुभयो ।
