काठमाडौं । बलिउड अभिनेता विवेक ओबराय बुधबार बेलुका सपरिवार काठमाडौं आइपुगेका छन् ।
दशदिने नेपाल भ्रमणको लागि आएका अभिनेता ओबरायले पशुपतिनाथ मन्दिरको दर्शनसँगै नेपालका बिभिन्न् पर्यटकीयस्थल भ्रमण गर्ने जनार्ईएको छ । विमानस्थलमा संञ्चारकर्मी संग उनले भने ‘म यसअघि नेपाल आएको छैन । बुवाआमा कैंयनपटक आउनुभएको छ । मलाई पशुपतिनाथको दर्शन गर्नुथियो र बच्चाहरुलाई नेपाल देखाउनुथियो । नेपाल र भारतबीच सांस्कृतिक सम्बन्ध रहिआएको छ । मलाई लाग्छ, बच्चाहरुलाई पनि नेपाल देख्नुपर्छ र मैले पनि हेर्नुपर्छ । मलाई लुम्बिनी र पोखरा घुम्न मन छ ।’
उनले विहिबार विहान पशुपति दर्शनपछि चन्द्रागिरी घुम्ने र त्यसपछि जहाजबाट पोखरा जाने त्यहाँ प्याराग्लाइडिङ, बन्जीजम्प, जीप फलायर गर्दै पोखरा घुम्ने योजना छ ।
पोखराबाट उनि धौलागिरि हिमालको अवलोकन गर्न म्याग्दीको प्रसिद्ध घोरेपानी पुग्ने त्यसपछि लुम्बिनी दर्शन गर्न पोखराबाट भैरहवा जानेछन् । उनि भैरहवामा आयोजना हुने मिट एण्ड ग्रीट कार्यक्रममा सहभाी हुने छन् ।
उनी २४ डिसेम्बरमा भारत फर्कने कार्यक्रम छ ।
