काठमाडौं । डोटीका भूकम्प पीडितलाई भोलेन्टर क्रप्स नेपाल (भिसिएन) ले राहत सामग्री उपलब्ध गराएको छ ।
सोवर्स एक्सन हङकङ, चीनद्वारा स्थापित डोटी अर्थक्वेक अपन प्रिपोजिसन अफ इमर्जेन्सी रिलिफ प्रोजेक्ट–२०२२ को सहयोगमा भिसिएन राहत सहयोग उपलब्ध गराएको हो ।
डोटीमा गत मंसिर ९ गते भूकम्प गएको थियो भूकम्पमा घर भत्किँदा ६ जनाको मृत्यु भएको थियो भने ३५ घर भत्किएको थियो । त्यस्तै एक हजारभन्दा बढी घरमा क्षति पुगेको थियो ।
भूकम्प पीडितलाई स्वच्छता किटसहित खाद्यान्न तथा गैरखाद्य सामग्री वितरण गरिएको भिसिएनकी उपाध्यक्ष राधा मताङ्गीले जानकारी दिनुभयो । उहाँका अनुसार पूर्वीचौकी गाउँपालिकाका वडा नं ३ र ५ का ४२८ परिवारलाई राहत सामग्री उपलब्ध गराईएको छ ।
प्रमुख जिल्ला अधिकारी कल्पना श्रेष्ठ,पूर्वीचौकी गाउँपालिका अध्यक्ष रामप्रसाद उपाध्याय, उपाध्यक्ष पशुपति खड्का, वडा नं ५ का अध्यक्ष खडकबहादुर साउद, सशस्त्र प्रहरीका एसपी वीरसिंह सौर, डीएसपी देवेन्द्र सिंह सहित जिल्ला विपद् व्यवस्थापन समितिका सदस्य र स्वयंसेवकले राहत सामग्री वितरण गरिएको हो ।
