काठमाडौं । सर्वोच्च अदालत परिसरको सुरक्षा व्यवस्था कडा पारिएको छ । प्रधानन्यायाधीश चोलेन्द्र शम्शेर जबरालाई अदालत प्रबेश गर्न नदिनका लागि सुरक्षाकर्मीको तैनाथी बढाईएको हो ।
निलम्बित प्रधानन्यायाधीश चोलेन्द्र शम्शेर जबरालाई संघीय संसदका महासचिव भरतराज गौतमले निलम्बन फुकुवाको पत्र दिए पछि राणा अदालत फर्कने आशंका सहित नेपाल वार एशोसिएसनको अगुवाईमा कानुन व्यवसायीहरुले सर्वोच्च भित्र नै आन्दोलन गर्दे आएका छन् । जसका कारण सर्वोच्च अदालत भित्र र बाहिर उल्लेख्य संख्यामा सुरक्षाकर्मी तैनाथ गरिएको छ ।
सर्वोच्च अदालत अगाडिको सडक रामशाहपथमा सुरक्षाकर्मीका तीनवटा ट्रकहरु राखिएका छन् । सर्वोच्च अदालतभित्र प्रबेशका लागि चेकजाँच कडा पारिएको छ ।
