काठमाडौं । लुम्बिनी प्रदेशको स्थायी राजधानी दाङ सारिएको छ ।
स्थायी पूर्वाधार बनाएर मात्र राजधानी सार्नु पर्ने भन्दै माग हुन थालेपछि मुख्यमन्त्री तथा मन्त्रिपरिषदको कार्यालयका फर्निचर लगायत सामानहरू रातारात दाङ पुर्याइएको हो ।
दुई दिनअघि रातको समयमा तीन वटा ट्रकमा सामानहरू लोड गरी राति नै दाङ पुर्याइएको हो । अब बुटवलमा मुख्यमन्त्री कार्यालय बन्द रहने र दाङमै खुल्ने प्रदेश सरकारले जनाएको छ ।
