काठमाडौं । प्रतिनिधिसभा र प्रदेशसभाको निर्वाचनपछिको समग्र अवस्थाका बारेमा छलफल गर्न आज सत्तारूढ गठबन्धनको बैठक बस्दैछ ।
बैठक दिउसो ३ बजे प्रधानमन्त्रीको सरकारी निवास बालुवाटारमा बस्ने जनाईएको छ ।
नेकपा (माओवादी केन्द्र)का महासचिव देवप्रसाद गुरुङले निर्वाचनको समग्र अवस्थाका बारेमा समीक्षा गर्न सत्तारूढ गठबन्धनको बैठक बस्न लागेको जानकारी दिनुभयो ।
यही मङ्सिर ४ गते सम्पन्न निर्वाचनमा नेपाली कांग्रेसले ५७ स्थानमा जीत निकालेको छ । यस्तै, माओवादी १७ स्थानमा विजयी भएको छ भने दोलखामा भने जारी मतगणना जारी रहेको छ ।
त्यस्तै, नेकपा (एकीकृत समाजवादी) ले १० स्थानमा जित निकाल्दा, लोकतान्त्रिक समाजवादी पार्टीले चार, राष्ट्रिय जनमोर्चा एक स्थानमा विजयी भएको छ ।
