काठमाडौं । कतारमा जारी फिफा विश्वकप फुटबलको नकआउट चरणअन्तर्गत आज आइतबार फ्रान्स र पोल्याण्डबीच प्रतिस्पर्धा हुँदैछ ।राउण्ड अफ १६ मा पुगेका फ्रान्स र पोल्याण्डले अल थुमामा स्टेडियममा एकअर्काको सामना गर्नेछ ।
नेपाली समयअनुसार राति ८:४५ बजे सुरु हुने उक्त खेलमा समूह ‘डी’ बाट समूह विजेता बनेको फ्रान्स पोल्याण्डलाई हराउँदै क्वाटरफाइनलमा जान चाहन्छ । समूह ‘सी’को उपविजेता बनेको पोल्याण्ड पनि फ्रान्सलाई हराएर क्वाटरफाइनलमा स्थान पक्का गर्न चाहन्छ ।
फ्रान्स र पोल्याण्डबीच हालसम्म १६ खेलमा प्रतिस्पर्धा भएको छ । जसमा फ्रान्सले ८ खेल जितेको छ भने पोल्याण्डले ३ खेल जितेको छ । यी दुईबिचको ५ खेल बराबरीमा सकिएको छ ।
फ्रान्सको तर्फबाट सम्भावित सुरुआती-११
हुगो लोरिस, जुलेस कुन्डे, डायोट उपामेकानो, राफायल भरान, थियो हर्नान्डेज, अरेलिन तुचामेनी, एड्रिन राबिअट, एन्टोनियो ग्रीजम्यान, ओसुमाने डेम्बेले, ओलिभर जेरुड, केलियन एमबाप्पे
पोल्याण्डको तर्फबाट सम्भावित सुरुआती-११
वोजसिएच स्जेस्नी, जान बेड्नारेक, कामिल जिल्क, जान बेड्नारेक ,जाकुब किविओर, रोबर्ट गुम्नी, सिमोन जुर्कोस्की, म्याटी क्यास, सेबास्टियन सिमान्स्की, प्रजेमिस्लाव फ्रान्कोव्स्की, रोबर्ट लेवान्डोस्की, एर्काडिअस मिलिक
