काठमाडौँ । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्ड सुकुटे पुगेका छन् ।
मंसिं ४ मा सम्पन्न प्रदेश र प्रतिनिधिसभा निर्वाचनको अन्तिम मत परिणाम आउनै लाग्दा प्रचण्ड ‘मुडफ्रेस’ लागि सुकुटे पुगेका हुन् ।
अध्यक्ष प्रचण्डसँग सभामुख अग्नि प्रसाद सापकोटा सहित उनको परिवारका सदस्यहरू सुकुटे पुगेका छन् ।
प्रचण्डको टोलीलाई सिन्धुपाल्चोक १ का नवनिर्वाचित सांसद माधव सापकोटाले स्वागत गरेका थिए । अध्यक्ष दाहालको पारिवारिक भ्रमण मात्रै रहेको निजी सचिवालयले जानकारी दिएको छ। उनी सुकुटे स्थित सुकुटे बीच रिसोर्टमा बसेका छन् ।
तस्बिर: श्रीधर न्यौपानेको फेसबुकबाट।
