जनकपुरधाम । मधेस प्रदेश सरकारले भोलि विवाह पञ्चमीको अवसरमा सार्वजनिक बिदा दिएको छ ।
मुख्यमन्त्री लालबाबु राउतले रामसीता विवाह पञ्चमीको अवसरमा जनकपुरधाममा पाल्ने श्रद्धालु भक्तजनहरुलाई शुभकामना व्यक्त गर्दै सार्वजनिक बिदा दिएका हुन् ।
त्रेता युगमा माता सीता र भगवान श्रीरामको विवाह भएको स्मरणमा प्रत्येक बर्ष जनकपुरधाममा साताव्यापीरुपमा विवाह पञ्चमी मनाईन्छ । भोलि जानकी मन्दिर परिसरमा सीताराम स्वयंम्वर अर्थात् विवाह समारोह गरिनेछ ।
उक्त समारोहमा नेपाल-भारतका लाखौं श्रद्धालु सहभागी हुनेछन् ।
