रुपन्देही । निर्वाचन आयोगले रुपन्देही क्षेत्र नम्बर २ मा रोकिएको मतगणना सुचारू गर्न निर्देशन दिएको छ ।
राष्ट्रिय स्वतन्त्र पार्टीले मुचुल्कामा भएको भन्दा बढी मत मतपेटिकामा भेटिएको भन्दै रुपन्देही २ को मतगणना रोक्न र पुनः मतदानको माग गरेको थियो । तर, निर्वाचन आयोगले मतपेटिकामा भएको मतलाई नै आधिकारिक मत मानेर गणना सुचारु गर्न मुख्य निर्वाचन अधिकृतको कार्यालय रुपन्देहीलाई निर्देशन दिएको छ ।
मुख्य निर्वाचन अधिकृतको कार्यालयले विवादको विषयमा जानकारी गराउँदै आयोगसँग राय मागेको थियो । सोहि सम्बन्धमा आयोगले भनेको छ, ‘ब्यालेटभित्र भएको मत नै यथार्थ मत भएको मानी तुरुन्त गणना गर्नू ।’ आयोगले गणना गर्दा सबै पार्टीका प्रतिनिधि राख्न र सहमति हुन नसके कानूनबमोजिम गणना गरेर नतिजा प्रकाशित गर्न निर्देशन दिएको छ ।
