काठमाडौँ । डडेल्धुरा क्षेत्र नम्बर १ (१) बाट नेकपा (माओवादी केन्द्र) का सुदूरपश्चिम इन्चार्ज खगराज भट्ट निर्वाचित भएका छन् ।
भट्ट १२ हजार ११२ मत ल्याई विजयी भएका हुन् । निकटतम प्रतिस्पर्धी नेकपा एमालेका पठानसिंह बोहराले ९ हजार १९५ मत पाए ।
माओवादी केन्द्रको स्थायी समिति सदस्य समेत रहेका भट्ट सत्ता गठबन्धनबाट प्रदेशसभामा उठेका थिए । यसअघि उनले २०६४ सालदेखि नेपाली कांग्रेसका सभापति एवं प्रधानमन्त्री शेरबहादुर देउवासँग प्रतिस्पर्धा गर्दै आएका थिए ।
