काठमाडौं । आउँदो नोभेम्बर २० देखि कतारमा आयोजना हुने फिफा विश्वकप फुटबलका लागि स्पेनले टिम घोषणा गरेको छ ।
स्पेनले शुक्रबार विश्वकपका लागि २६ सदस्सीय टोलीको घोषणा गरेको हो । टिममा गोलकिपर डेभिड डी हेया र मिडफिल्डर थियागो तथा डिफेन्डर सर्जियो रामोस अटाएका छैनन् ।
विश्वकपमा स्पेन समूह ‘ई’ मा रहेको छ । स्पेनले नोभेम्बर २३ मा कोस्टारिकाविरुद्ध खेल्दै विश्वकपको सुरुवात गर्नेछ । स्पेनको समूहमा यी दुई टोलीसहित जर्मनी र जापान छन् ।
